झापाका अग्रज पत्रकार पाठकको निधन

बिर्तामोड । झापाका अग्रज पत्रकार नेत्र पाठकको बिहीबार बिहान निधन भएको छ । बिर्तामोड–४ मा मेघाबारी निवासी ७२ वर्षीय पाठकको आज बिहान ९ः३० बजे आफ्नै निवास निधन भएको हो । पत्रकार पाठक प्रेस चौतारी झापाको संस्थापक अध्यक्ष हुन् ।

स्वर्गीय पाठकका पत्नी सीता पाठक, छोरा विज्ञान, बुहारी हिमा, छोरी एलिजा र एक नाति रहेका छन् । पाठक तीन वर्षयता दम, निमोनिया, प्रोस्टेट क्यान्सर र ब्रेनको नशासँग सम्बन्धित समस्याका कारण घरमै उपचार र आराम गर्दै आएका थिए । लामो समय शिक्षण पेशामा समेत रहेका स्वर्गीय पाठक स्वर्गीय पाठकले नेपाल शिक्षक संगठनको नेतृत्वदायी भूमिकामा रहेका थिए । उनको अन्त्यस्टी भोलि शुक्रवार गरिने पारिवारिक स्रोतले जनाएको छ ।