लक्ष्मी उप्रेती
विर्तामोड । विश्व पोलियो दिवसको अवसरमा बिहीबार बिर्तामोडमा प्रभातफेरी निकालिएको छ । हरेक वर्षको अक्टोबर २४ मा यो विस विश्वभरी मनाइन्छ । यसका साथै अक्टोबर २४ अमेरिकी चिकित्सा क्षेत्रका अनुसन्धानदाता तथा भाइरलोजिस्ट जोनास सल्कको जन्मोत्सव पनि हो । उनले नै पहिलोपटक सफल पोलियो खोपको आविष्कार र विकास गरेका थिए ।
यो दिवस मनाउनुको उद्धेश्य पोलियो उन्मुलनबारे जनचेतना फैलाउनु र विश्व स्वास्थ संगठन तथा अन्य संगठनमार्फत यो उद्धेश्य हासिल गर्न लागि परेका हजारौं स्वयमसेवकप्रति सम्मान देखाउनु पनि हो ।
इलामसहित झापाका विभिन्न सात वटा रोटरी क्लबहरुले संयुक्तरुपमा कार्यक्रम आयोजना गरेको रोटरी क्लब अफ काँकरभिट्टाका अध्यक्ष डाक्टर आनन्दराज खनालले जानकारी दिए । ‘किप नेपाल पोलियो फ्रि’ भन्ने मुल नारासहित विश्व पोलियो दिवसको अवसरमा रोटरी क्लवहरुले झापामा संयुक्त सचेतनामूलक प्रभातफेरी निकालेका थिए ।
रोटरी इन्टरनेसनल डिष्ट्रिक्ट ३२९२ अन्तर्गतका रोटरी क्लब अफ काँकरभिट्टा, रोटरी क्लव अफ भद्रपुर,रोटरी क्लव अफ विर्तामोड, रोटरी क्लव अफ विर्तामोड मिडटाउन, रोटरी क्लव अफ दमक, रोटरी क्लव अफ मेचीनगर र रोटरी क्लव अफ इलामसहित सातवटा क्लबका सदस्यहरुको सहभागिता रहेको रोटरी क्लब अफ काँकरभिट्टाका निवर्तमान अध्यक्ष इञ्जिनियर रुद्र मैनालीले जानकारी दिए ।
विर्तामोडस्थित मुक्तिचोक परिसरबाट बाईबाई पोलियो, शान्त बसौं र पोलियोको शिकार नबनौं,पोलियोको अन्त गरौं, ‘किप नेपाल पोलियो फ्रि’ ‘विश्व पोलियो दिवस सफल पारौँ’लगायत नारा लेखिएका प्ले कार्ड र व्यानर अनि विभिन्न सचेतनामुलक नारा लेखिएका र रोटरीको लोगो अंकति टि सर्ट र क्यापसहित निस्केको र्यालीले शनिश्चरे रोड, हिकोला रोड, काँकरभिट्टा रोड, भद्रपुर रोडसहित विर्तामोड बजारको मुख्यः मुख्यः भागको परिक्रममा पछि सोहि स्थानमा आएर संक्षिप्त सभामा परिणत भएको थियो । रोटरी क्लबका एजी कुमारमणि पोखरेलले संक्षिप्त सभालाई सम्बोधन गदैं रोटरीले सामाजिक क्षेत्रमा पुर्याएको योगदानको चर्चा गरेका थिए ।
कार्यक्रमको समापनमा बोल्दै एजी पोखरेलले पोलियोलाई अन्त्य गर्न सबै एकजुट हुनुपर्ने बताए । उनले पोलियो उन्मुलनका लागि रोटरीले महत्वपूर्ण भूमिका खेलिरहेको बताए । पोलियो लगभग लगभग अन्त्य हुने अवस्थामा पुगेको बताउदैं उनले नेपालबाट पोलियो उन्मुलन हुने दाबी गर्दै त्यो लक्ष्य पूरा गर्ने जिम्मा रोटरीहरुको भएको बताए ।
कार्यक्रममा एजी सुजन प्रधान, विनोद बस्नेतसहित रोटरी र रोट्र्रयाक्ट क्लबहरूका सदस्यहरुको सहभागिता रहेको थियो ।
प्रतिकृया दिनुहोस्