![](https://mechiaawaj.com/wp-content/uploads/2022/12/hatkadi.jpg)
झापा । आफ्नै जेठाजुको विभत्स हत्या गरेको आरोपमा झापा कनकाई नगरपालिका ४ इलुवावारीकी ४९ बर्षिय रनमाया वास्तोलालाई १२ घण्टा नवित्दै आज प्रहरीले पक्राउ गरेको छ ।
झापा कनकाई नगरपालिका ४ इलुवावारीका ५६ बर्षिय पदमलाल वास्तोलाको टाउकोमा धारिलो हतियार प्रहार शिवसताक्षी नगरपालिका १० सगरमाथा टोल माई नदिको किनारमा हत्या गरि फ्याकिएको अवस्थामा शव फेला परेको थियो । बिहिबार वेलुकी ५ बजेको समयमा स्थानीय वस्तु चराउन जानेले बास्तोलाको शव देखेपछि प्रहरीलाई खबर गरेका थिए । विभत्स हत्याको खबर पाउनसाथ अनुसन्धामा जुटेको इलाका प्रहरी कार्यालय झिलझिले, जिल्ला प्रहरी कार्यालय झापा, इलाका प्रहरी कार्यालय सुरुङ्गा र इलाका प्रहरी कार्यालय बिर्तामोडको प्रहरी टोली अनुसन्धानमा जुटेको थियो । शव फेला परेको १२ घण्टा नवित्दै प्रहरीले हत्यारा बुहारी र हतियार फेला पारेको हो ।
मृतक बास्तोला र बुहारी रनमाया वास्तोला बुधवार दिउसो २ बजेबाट घरबाट काँस काटन जाने भनि सगै कनकाई माईखोला बगरमा गएका थिए । घाँस काटेर बुहारीमात्रै घरमा फर्किएकी थिइन । पछि सोधीखोजी गर्दा नभेटिएपनि हराएको १ दिनपछि वास्तोलाको शव अनुहार नचिन्निने अवस्थामा काँसघारीभित्र फेला परेको थियो । वास्तोलाको हत्यामा प्रयोग गरिएको हसिँया र कुटो सहित वास्तोलालाई पक्राउ गरिसकिएको प्रहरीले बताएको छ ।
हत्यामा संग्लन बास्तोलाले आफुले हत्या गरेको स्वीकार गरेकी छिन । उनले आफुलाई बलत्कार गर्न खोजेकाले प्रतिकार गर्दा मृत्युभएको प्रहरीसामु वयान दिएकी छिन । कमजोर आर्थिक अवस्थाका वास्तोला परिवार अर्काको घरमा बसेर अधिया खेती गर्दै आएका थिए । मृतक वास्तोला शवको छेउमा १० मुठाजति काटेर बिटा बनाएको काँस समेत फेला परेको छ । मृतक वास्तोलाको २ छोरा, १ छोरी र श्रीमती रहनुभएको छ उहाँहरु सबैजना भारतको आसाममा बस्दै आउनुभएको छ भने मृतक वास्तोला भने झापा कनकाईमा भाई बुहारीको साथमा विगत १ बर्ष देखि रहदै आउनुभएको थियो ।
हाल प्रहरीले हत्या आरोपी बुहारी रनमाया बास्तोला र उनले हत्यामा प्रयोग गरेको हसिया र कुटोसहित नियन्त्रणमा लिएर इलाका प्रहरी कार्यालय झिलझिलेमा राखिएको छ । घटना घटेको १२ घण्टा नवित्दै जिल्ला प्रहरी कार्यालय झापा, इलाका प्रहरी कार्यालय झिलझिले, इलाका प्रहरी कार्यालय बिर्तामोड र इलाका प्रहरी कार्यालय सुरुङ्गाको प्रहरी टोलीले हत्यारा पत्ता लगाएको छ भने हाल थप अनुसन्धान जारी राखिएको इलाका प्रहरी कार्यालय झिलझिलेका प्रहरी निरिक्षक महेन्द्र खडकाले जानकारी दिनुभयो ।
प्रतिकृया दिनुहोस्