सुदर्शन खड्का (माइला) खानेपानी संस्थाको नेतृत्व गर्न सक्ने एउटा कुशल पात्र हुन् । २०३३ साल चैत ७ गते जन्मिएका उनी काँकरभिट्टाका स्थायीबासी हुन् । बुवा इन्द्रबहादुर खड्का र आमा लिलाकुमारी खड्काको कोखबाट उनको जन्म भएको हो । सानैदेखि खेलकुदमा रुचि राख्ने उनी कक्षा १ देखि नै काँकरभिट्टा माविमा अध्ययन गर्ने मेहनती विद्यार्थीका रुपमा चिनिन्छन् ।
सामाजिक क्षेत्रमा सक्रिय रहेका उनी हाल काँकरभिट्टा माविको शिक्षक अभिभावक संघका सदस्य, मेची सामुदायिक सेवा केन्द्रका सदस्य, मेची अभियानका सदस्य भएर काम गरेको अनुभव उनीसँग रहेको छ । फुटबल खेलमा नगर हुँदै जिल्लासम्मको प्रतियोगितामा सहभागी भएका खड्का आर्थिक पारदर्शीमा जोड दिन्छन् । पानीको मुहान संरक्षण गर्ने, मुहान छेउछाउ बृहत वृक्षारोपण गर्ने लगायतका थुप्रै योजना बोकेर उनी खानेपानी संस्थाको बागडोर सम्हाल्नका निम्ति चुनावी मैदानमा उत्रिएका छन् ।
प्रतिकृया दिनुहोस्