काकरभिट्टा, १६ जेठ ।आगामी आर्थिक बर्ष २०७७र०७८ का लागि बिहीबार अर्थ मन्त्री डा युवराज खतिवडाले संसदमा प्रस्तुत गर्नु भएको बजेट अनुसार झापाको मेचीनगर नगरपालिकाले ७० करोड ७७ लाख अनुदान रकम पाउने भएको छ । अन्तर सरकारी बित्तिय हस्तान्तरण अन्तर्गत उक्त रकम मेचीनगरले पाउने अर्थ मन्त्रालय स्रोतले जनाएको छ ।
संघीय सरकारले दिने विभिन्न अनुदान रकममा झापामा मेचीनगर नगरपालिकाले सबैभन्दा बढी रकम पाउने भएको छ । मेचीनगरले समानीकरण अनुदानमा २४ करोड ६७ लाख, शसर्त अनुदानमा ४४ करोड १० लाख र बिशेष अनुदान बापत दुई करोड रकम पाउने निश्चित भएको अर्थ मन्त्रालय स्रोतले जनाएको छ ।
झापाका मेचीनगर पछि दोस्रोमा दमक नगरपालिकाले ६६ करोड २६ लाख रकम पाउने भएको छ । त्यस्तै बिर्तामोड नगरपालिकाले ६० करोड ४८ लाख, शिवसताक्षी नगरपालिकाले ५२ करोड ३० लाख अनुदान रकम संघिय सरकारबाट प्राप्त गर्ने भएका छन ।
त्यस्तै भद्रपुर नगरपालिकाले ४५ करोड २१ लाख, गौरादह नगरपालिकाले ४३ करोड ५६ लाख, अर्जुनधारा नगरपालिकाले ४३ करोड २९ लाख र सबैभन्दा कम कन्काइ नगरपालिकाले ३३ करोड ३८ लाख अनुदान रकम पाउने अर्थ मन्त्रालयले जनाएको छ ।
प्रतिकृया दिनुहोस्