मेचीनगर, १३ जेठ । घरेलु तथा साना उद्योग कार्यालय भद्रपुरको आयोजना तथा मेची उद्योग बाणिज्य संघको समन्वयमा आजदेखि एसी, फ्रिज मर्मत सम्बन्धी एक महिने तालिम सुरु भएको छ ।
मेची उद्योग बाणिज्य संघको सभाहलमा आयोजित तालिमको उद्घाटन मेचीनगर नगरपालिकाका मेयर गोपालचन्द्र बुढाथोकीले गरेका थिए । कार्यक्रमका प्रमुख अतिथि समेत रहेका मेयर बुढाथोकीले एक महिना लगाएर सिकेको सिपलाई व्यवहारमा बदल्न जोड दिएका थिए ।
एसी, फ्रिज मर्मत सम्बन्धी एक महिने तालिममा नगरका ३० जना सहभागी रहेका छन् । सहभागीलाई सिटीभिटीबाट लेभल २ पास गरेका प्रशिक्षक बासुदेव भण्डारीले तालिम दिइरहेका छन् ।
उद्घाटन कार्यक्रममा घरेलु तथा साना उद्योग कार्यालय भद्रपुरका उद्योग अधिकृत प्रेमप्रसाद सापकोटा, मेची उद्योग बाणिज्य संघका अध्यक्ष खेमराज प्रसाई लगायते शुभकामना मन्तव्य राखेका थिए ।
घरेलु तथा साना उद्योग कार्यालय भद्रपुरका उद्योग अधिकृत प्रेमप्रसाद सापकोटाको अध्यक्षता, स्वागत बाणिज्य संघका महासचिव दिनेश शाक्य र सञ्चालन कार्यकारी निर्देशक गोपाल बस्नेतले गरेका थिए ।
प्रतिकृया दिनुहोस्