चारआली । चारआली साना शहरी खानेपानी तथा सरसफाइ उपभोक्ता समितिको नयाँ नेतृत्वका लागि त्रिपक्षीय भिडन्त हुने निश्चित भएको छ । चारआली साना शहरी खानेपानी तथा सरसफाइ उपभोक्ता समितिको नयाँ नेतृत्वका लागि सत्ता साझेदार पार्टी नेकपा एमाले र नेपाली काँग्रेस एक्ला एक्लै चुनावी मैदानमा छन् ।
नेकपा माओवादी केन्द्रसहित अन्य दलको साझा उम्मेद्वार समूहबीच चुनावी प्रतिस्पर्धा मा छन् । नेपाली काँग्रेसको लोकतान्त्रिक समूह र नेकपा एमालेको प्रगतिशील समूह एक्ला एक्लै चुनावी प्रतिस्पर्धामा छन् भने नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी , जनता समाज पार्टी नेपालसहित सातवटा दलको संयुक्त प्यानल साझा उम्मेद्वार समूह चुनावी मैदानमा छ ।
नेकपा एमालेको प्रगतीशिल प्यनलले सन्तोषकुमार मेचेलाई अध्यक्षको रुपमा अघि सारेको छ भने नेपाली काँग्रेसको लोकतान्त्रिक समूहकातर्फबाट बालकृष्ण विष्ट अध्यक्षको प्रत्याशीको रुपमा हुनुहुन्छ । यसैगरी सात दलको संयुक्त प्यानलको साझा उम्मेद्वार समूहकातर्फबाट अध्यक्ष पदमा राजन चिमरिया चुनावी मैदान उत्रिनु भएको छ । विष्ट मेचे मेचीनगर वडा नम्बर ११ का निवर्तमान वडाध्यक्ष वा नेकपा एमालेका लोकप्रिय नेता, चिमरिया नेकपा माओवादी केन्द्रका मेचीनगर अध्यक्ष हुनुहुन्छ ।
यसैगरी, नेकपा एमालेको प्रगतीशिल समूह प्यानलबाट उपाध्यक्षमा पुष्पा गौतम खनाल, सचिवमा दामोदर घिमिरे, कोषाध्यक्षमा प्रकाश वरालको उम्मेद्वारी दर्ता भएको छ । खुल्ला सदस्यहरुमा साबिक धाइजन १,२,३ र ४ बाट राजेन्द्र कार्की, साबिक धाइजन ५ र ६ बाट महिला सदस्यमा भागिरथा खतिवडा, खुल्ला सदस्यतर्फ हरिप्रसाद घिमिरे, साबिक दुहागढी ४,५ र ६ बाट खुल्ला महिला सदस्यमा लीलादेवी कार्की, खुल्ला सदस्यमा कृष्णप्रसाद भण्डारी नेकपा एमालेको प्रगतीशिल समूह प्यानलबाट उम्मेद्वार बन्नु भएको छ । लेखा समिति संयोजक पदमा रेवतकुमार दाहाल र सदस्यहरुमा श्रीप्रसाद थापा र विमला मिश्र विष्टलाई एमालले अघि सारेको छ ।
उता, नेपाली काँग्रेसको लोकतान्त्रिक समूहबाट उपाध्यक्षमा दीपा आचार्य पौडेल, सचिवमा राजेन्द्रप्रसाद रिजाल, कोषाध्यक्ष यमकान्त पौडेल चुनावी प्रतिस्पर्धामा हुनुहुन्छ ।
त्यसैगरी, साबिक दुहागढी ४, ५ र ६ बाट खुल्ला सदस्यमा लक्ष्मी घिमिरे, महिला सदस्यमा रम्बा राजवंशी, साबिक धाइजन १,२,३ र ४ बाट खुल्ला सदस्य धनमाया बस्नेत, साबिक धाइजन ५ र ६ बाट महिला सदस्यमा शान्ता नेम्बाङ र खुल्ला सदस्यमा सुकुमार मेचेलाई नेपाली काँग्रेसले अघि सारेको छ । नेपाली काँग्रेसको लोकतान्त्रिक समूहको प्यानलबाट लेखा समितिको संयोजकमा मोहन अधिकारी र सदस्यहरुमा हरिप्रसाद रिमाल र जमुनादेवी खरेल ओलीलाई पार्टीले उम्मद्वार बनाएको छ । मनोनयन दर्ता गरेका छन् ।
केही ठुला दलले साझा रुपमा दिइएको नेतृत्वको नाम स्वीकार नगरेपछि सात राजनीति दलले ब्यवसायी राजन चिमरियाको नेतृत्वमा साझा उम्मेद्वारी दिएका हुन् । उहाँको प्यानलबाट उपाध्यक्षमा मैया कार्की, सचिवमा प्रेमराज घिमिरे र कोषाध्यक्षमा साउन मेचे ‘बादल’को उम्मेद्वारी परेको छ । अध्यक्षका प्रत्यासी चिमरिया डेरी व्यवसायी तथा समाजसेवी र नेकपा माओवादी केन्द्र मेचीनगरका अध्यक्ष, सचिवका उम्मेद्वार घिमिरे प्राध्यापक सञ्चारकर्मी तथा रास्वपा स्थानीय नेता हुनहुन्छ ।
चिमरियाको नेतृत्वमा रहेको साझा समूहले सदस्यका उम्मेद्वारहरुमा डिल्लीराम अधिकारी, चन्द्रकला तदेबुङ्ग ,पुरुषोत्तम सिग्देल, अञ्जु फेवादिन, तेजबहादुर लिम्बु निर्वाचन मैदानमा उतारेको छ । लेखा संयोजक अर्जुन खनाल र सदस्य टीकाराम रिजाल रीतादेबी रिजाल न्यौपाने प्रतिस्पर्धामा हुनुहुन्छ । नेकपा एमाले र नेपाली काँग्रेस एक्ला एक्लै चुनावी मैदान छिरेपछि अन्य पार्टीको साथ लिएर नेकपा माओवादी केन्द्र चुनावी प्रतिस्पर्धामा उत्रिएको हो । ‘सवैको पहुच र सर्वसुलभ दरमा, सदैव स्वच्छ पिउने पानी घरघरमा ’भन्ने मुलमन्त्रलाई उो समूहले अघि सारेको छ ।
काँग्रेससित सरकारमा सहकार्य भए पनि यो निर्वाचनमा दुवै दलले आ—आफ्नो नीति लिएर प्रतिस्पर्धा गरिहेकाले यसलाई निक्कै चासोका साथ हेरिएको छ । अध्यक्ष, उपाध्यक्ष, सचिव, कोषाध्यक्ष र सदस्यसहित नौ र संयोजक सहित तीन लेखा समिति गरी कुल १२ पदका लागि आगामी मंसिर १ शनिबार मा निर्वाचन हुदैंछ । आगामी कार्यकालको लागि नयाँ नेतृत्व चयनका लागि संस्थामा दुईहजार छ सय ९० जना मतदाता रहेको स्थानीय पत्रकार प्रकाश उप्रेतीको भनाई छ । निर्वाचनमा ३६ जना उम्मेद्वार प्रतिस्पर्धामा छन् । दुवै पार्टीले एकल बहुमत ल्याउने उद्देश्यसहित ‘मिसन ०८४’ तय गरेको अनुमान सोझै गर्न सकिने राजनीतिक दलका केही नेता कार्यकर्ताको बुझाई छ ।
प्रतिकृया दिनुहोस्