मेचीनगरले चुम्यो गोल्डकपको उपाधि

मेचीनगर, ५ मंसिर । चौथो खुदुनावारी गोल्डकपको उपाधि मेचीनगर नगरपालिकाले जितेको छ ।

आज सम्पन्न फाइनलमा २–० को गोल अन्तरले शिवसताक्षीलाई पराजित गर्दै मेचीनगर उपाधि बिजेता बनेको हो ।

बिजेताको रुपमा मेचीनगरले रु. एक लाख ११ हजार २११ नगद पुरस्कारसहित ट्रफी र मेडल प्राप्त गरेको छ ।

नगरप्रमुख बुढाथोकीले फुटबल प्रतियोगितामा मेचीनगरलाई च्याम्पियन बनाउन खेलकौशल प्रदर्शन गर्नुहुने सम्पूर्ण खेलाडी, मिहेनती अफिसियल टोली र सम्पूर्ण मेचीनगरबासीलाई बधाइ व्यक्त गरेका छन् । फुटबलको फाइनल खेल हेर्न मेचीनगर नगरपालिकाका नगरप्रमुख गोपाल बुढाथोकी, उपप्रमुख मीना उप्रेती, प्रमुख प्रशासकीय अधिकृत अग्निप्रसाद अधिकारी लगायत नगर खेलकुद विकास समितिका अध्यक्ष नविन बिष्ट लगायत को टोली खुदुनाबारी पुगेको थियो ।