मेचीनगरले गर्यो प्रमुख प्रसाशकीय अधिकृत दाहाललाई स्वागत र ओझालाई बिदाइ

मेचीनगर । मेचीनगर नगरपालिकामा आएका नयाँ प्रमुख प्रसाशकीय अधिकृत सुरेश दाहालको स्वागत र हालै सरुवा भएका प्रमुख प्रसाशकीय अधिकृत खेमराज ओझालाई बिदाइ गरिएको छ ।

नगरपालिकाको सभाहलमा शुक्रबार एक कार्यक्रम विच स्वागत तथा बिदाइ गरिएको हो । नगरप्रमुख विमल आचार्य, उपप्रमुख मिना पोखरेल , वडा अध्यक्ष, कार्यापालिका सदस्य र कर्मचारीलगायतले स्वागत तथा बिदाइ गरेका थिए ।

नेपाल सरकारको नियमित सरुवाको क्रममा प्रमुख प्रसाशकीय अधिकृत दाहाल स्वास्थ्य मन्त्रालयबाट मेचीनगर आएका हुन् । त्यस्तै ओझा मेचीनगरबाट प्रदेश नं १ सरकारको मुख्यमन्त्री कार्यालयमा सरुवा भएका छन् ।शिवसताक्षी निवासी ओझा यस अघि झापा जिल्ला विकास समितिको एलडीओ रहेका थिए ।