होम क्वारेन्टाईमा बसेका कोरोना संक्रमितको सम्पर्कमा रहेका २३ जनाको स्वाब संकलन

मेचीनगर ।काँकरभिट्टा स्थित होम क्वारेन्टाईनमा बसेका ३३ वर्षीय पुरुषमा कोरोना संक्रमण पुष्टि भए सँगै उनको सम्पर्कमा रहेका २३जना व्यक्तिको सोमबार थ्रोट स्वाब ९घाटीको र्याल० को नमुना संकलन गरिएको छ ।
संक्रमितको घर शिल गरेर उनका परिवार, आफन्त र सम्पर्कमा रहेका २३ जनाको स्वाबको नमुना परीक्षण गर्न शुरु गरिएको स्वास्थ्य कार्यालय झापाका फोकल पर्सन जीवन चौलागाईले बताए ।

भारतको उत्तर प्रदेशबाट जेठ ३० गते नेपाल आएर संक्रमित ब्यक्ति होम क्वारेन्टाइनमा बसेका थिए । असार ३ गते स्वाब संकलन गरि प्रादेशिक जनस्वास्थ्य प्रयोगशाला विराटनगर पठाइएकोमा आइतबार नतिजा पोजेटिभ आएको थियो ।
आज संकलन गरिएका नमुना परीक्षणका लागि प्रादेशिक प्रयोगशाला विराटनगर पठाइने चौलागाईंले जानकारी दिए।
उनलाई लिन मेचीपुल बुबा र एक जना वडा सदस्य गएका थिए ।
उनीहरुले सामाजिक दुरी कायम गरेर नेपाल नम्बरको कारमा चढाएर मनकामना होटल पठाएका थिए ।
एकदिनको होटल बसाइपछि उनी होम क्वारेन्टाइनमा बस्ने गरी गएका थिए ।