खोलाले बगाउदा बालकको मृत्यु

मेचीनगर,१३ साउन । हडिया खोलाले बगाएर मंगलबार बुद्धशान्ति गाँउपालिकाका साढे तीन वर्षीय बालकको मृत्यु भएको छ ।

बुद्धशान्ति गाँउपालिका वडानम्बर –३ घर भएका महेश राईको साढे तीन वर्षीय छोरा मौषम राईलाई हडिया खोलाले बगाउदा मृत्यु भएको हो ।उनी विहान १० वजे घर बाहिर खेल्ने क्रममा नजिकैको हडिया खोलाले बगाएको थियो । उनलाई स्थानीयले देखेर तत्काल उद्दार गरी स्थानिय लिभिङ होप पोलिक्लिनिकमा उपचारका लागि लगिएको थियो ।

उपचारकै क्रममा बालकको  मृत्यु भएको जिल्ला प्रहरी कार्यालयका प्रवक्ता एवम् डिएसपी राकेश थापाले बताए ।