मेचीनगर, २१ माघ । मेचीनगर – ५ स्थित बालकल्याण माध्यमिक विद्यालयले ५० औँ बसन्त पुरा गरेको अवसरमा भव्यताका साथ स्वर्ण महोत्सव मनाउने भएको छ । २०३१ सालमा स्थापना भएर ग्रामिण क्षेत्रको शिक्षा विकासमा समर्पित यस विद्यालयले यहि फागुन २ र ३ गते स्वर्ण महोत्सव मनाउने भएको हो ।
विद्यालयले आज पत्रकार सम्मेलन आयोजना गरेर महोत्सवको तयारीका बारेमा जानकारी गराएको छ । महोत्सवको पूर्व संन्ध्यामा बिद्यालयले आजबाट विद्यालय परिसरमा विभिन्न कार्यक्रमको समेत सुरु गरेको पत्रकार सम्मेलनमा विद्यालयका प्रधानाध्यापक नारायण न्यौपाने जानकारी दिए । विद्यालयले आज मेचीनगर स्तरीय हाजिरी जवाफ प्रतियोगिता सम्पन्न भएको छ भने भोलि(सोमबार) बाट मेचीनगर स्तरीय छात्र क्रिकेट प्रतियोगिता शुरु हुँदैछ । उक्त क्रिकेट प्रतियोगितामा प्रथम र द्धितिय हुने विद्यालयलाई क्रमशः २० हजार र १५ हजार नगदसँगै मेडल र प्रमाण पत्र प्रदान गरिने विद्यालयका प्रधानाध्यापक नारायण न्यौपानेले जानकारी दिए ।
प्रधानाध्यापक न्यौपानेका अनुसार आज विद्यालय पसिरमा सम्पन्न हाजिरी जवाफ प्रतियोगितामा क्रमशः बाल कल्याण मावि प्रथम, धुलाबारी मावि द्धितिय र काँकरभिट्टामा मावि तृतिय भए । उनीहरुलाई नगदसहित सम्मान गरिएको विद्यालयका सह(प्रधानाध्यापक राजीप गिरीले जानकारी दिए ।
स्वर्ण महोत्सवको अवसरमा फागुन ३ गते वृहत सांस्कृतिक कार्यक्रमको आयोजना गरी विद्यालयलाई जग्गा दिने जग्गादाता, संस्थापक, शिक्षाप्रेमी व्यक्तित्वहरुलाई समेत सम्मान गर्न लागिएको सह(प्रधानाध्यापक गिरीको भनाई छ । कार्यक्रममा झापा निर्वाचन क्षेत्र न. १ बाट निर्वाचित सांसद बिश्वप्रकाश शर्माको प्रमुख आतिथ्यता रहनेछ भने कोशी प्रदेश सभा सदस्य सदस्य गोपाल तामाङ, नगरपालिकाका प्रमुख उपप्रमुख लगायत विशिष्ट व्यक्तित्वहरुको आतिथ्यता रहने विद्यालयले जनाएको छ ।
सोही अवसरमा विद्यालयमा गठित पूर्वविद्यार्थी समाजले पनि विद्यालयमा यसअघि अध्यापन गराउनुभएका गुरुबा(गुरुआमालाई सम्मान गर्न लागेको छ । विद्यालयमा अध्यापन गराएर सेवा निवृत्त हुनुभएका गुरुबा(गुरुआमालाई सम्मान गर्दै एक जना समाजसेवी व्यक्तित्वलाई पनि सम्मान गर्न लागिएको पूर्वविद्यार्थी समाजका अध्यक्ष नवराज सुवेदीले जानकारी दिए ।
स्वर्ण महोत्सवकै अवसरमा विद्यालयमा निर्मित स्वणर् स्तम्भ र सरस्वती माताको मन्दिरको समेत उद्घाटन गरिनेछ भने विद्यालयको इतिहास समेटिएको स्वर्ण स्मारिका प्रकाशन गरिने विद्यालयका अर्का सह(प्रधानाध्यापक धनराज पौडेलले बताए । कार्यक्रम सफल पार्न मेचीनगर ५ वडा कार्यालयलले समेत सहयोग पुर्र्याइको विद्यालय ब्यवस्थापन समितिका अध्यक्ष भूपेन्द्र गिरीले जानकारी दिए ।
प्रतिकृया दिनुहोस्