
2025-03-26 मा प्रकाशित
विराटनगर । सुनसरीको इटहरी उपमहानगरपालिकाको मुख्यचोकमा रहेको सेन्ट्रल प्लाजामा भीषण आगलागी भएको छ । बुधबार बिहान १० बजेतिर सुरु भएको बगलागी अझै नियन्त्रणमा आउन सकेको छैन ।
इलाका प्रहरी कार्यालय इटहरीले दिएको जानकारीअनुसार, नेपाल प्रहरी, बारुण यन्त्र कर्मचारी र स्थानीयले आगो नियन्त्रण गर्ने प्रयास गरिरहेका छन् । इटहरी उपमहानगरपालिका, दुहबी, बराहक्षेत्र र रामधुनी नगरपालिकाबाट आएका दमकलले आगो नियन्त्रणमा लिने प्रयास गरिरहेका छन् ।
आगलागीको कारण खुल्न सकेको छैन । प्लाजाको पाँचौँ र छैटौँ तलामा आगलागीबाट क्षति भएको छ ।
यसबाट मानवीय हताहती नभएको र क्षतिबारे यकिन हुन बाँकी रहेको प्रहरीले जनाएको छ । प्लाजामा क्यूएफएक्स सिनेमा घर, बरन्डा होटल र अन्य व्यापारिक प्रतिष्ठानका कार्यालय रहेका छन् ।
प्रतिकृया दिनुहोस्