मेचीनगर । बाहुनडाँगी सिद्धिखोला एकीकृत खानेपानी उपभोक्ता तथा सरसफाइ संस्थाको अध्यक्षमा संयुक्त लोकतान्त्रिक प्यानलका हेमलाल गुरागाईँ निर्वाचित भएका छन् । निर्वाचनमा एकजना महिला सदस्य बाहेक सवै पदमा नेपाली काँग्रेस, राष्ट्रिय प्रजातन्त्र पार्टी र संघीय लिम्बुवान लोकतान्त्रिक मोर्चाको संयुक्त लोकतान्त्रिक प्यानलका उम्मेद्वार विजयी भएका हुन् ।
नेपाल कम्यूनिष्ट पार्टी (एमाले) को प्रगतिशील समूहतर्फका अध्यक्ष पदका उम्मेद्वार पासाङ्ग तामाङलाई ११७ मतले पछि पादैं संयुक्त लोकतान्त्रिक प्यानलका हेमलाल गुरागाईँ अध्यक्षमा विजयी भएका हुन् । तामाङले ३१५ र गुरागाईँले ४३२ मत प्राप्त गरेको नेपाली काँग्रेसका जिल्ला नेता निरज घिमिरेले जानकारी दिए । नेकपा माओवादी केन्द्रका मेघराज खड्काले १८५ मत पाए । खड्का स्वतन्त्र उम्मेद्वारका रुपमा चुनावी प्रतिस्पर्धामा थिए ।
यसैगरी, उपाध्यक्षमा सागर कार्की विजयी भए । कार्कीले प्रगतिशील समूहतर्फका पुष्कर घिमिरेलाई ५५७ मतले पराजित गरेका थिए । विजयी कार्कीले ५८२ र घिमिरेले २२५ मत प्राप्त गरेका थिए । कार्की संयुक्त लोकतान्त्रिक प्यानलका तर्फबाट उम्मेद्वार थिए ।
सचिवमा स्वतन्त्र उम्मेद्वार राजन कार्की संयुक्त लोकतान्त्रिक प्यानलका उम्मेद्वारसँग ३० मतको फरकमा पराजित बने । कार्कीले ३२५ मत प्राप्त गरी उपविजेता बन्दा लोकतान्त्रिक प्यानलका उम्मेद्वार सन्तोष सुबेदी ३५५ मतका साथ विजयी भए । नेपाल कम्यूनिष्ट पार्टी ‐(एमाले) को प्रगतिशील समूहतर्फका सचिव पदका अर्का उम्मेद्वार गोपाल बराईलीले १५३ मत प्राप्त गरेका थिए ।
सहसचिवमा राजन न्यौपाने ३९४ मतका साथ विजयी भए । उनका प्रतिस्पर्धी प्रगतिशील समूहका सुरेश घिमिरेले २८८ मत प्राप्त गरेका थिए । न्यौपाने र घिमिरेको मतान्तर १०६ रहेको छ ।
कोषाध्यक्षमा पूर्णिमा कट्टेल विजयी भईन् । संयुक्त लोकतान्त्रिक प्यानलकी कट्टेलले ३९४ मत प्राप्त गदैं विजयी बन्दा प्रगतिशील समूहकी पुष्पाकुमारी बिष्ट २४४ मत मतमा चित्त बुझाउनु परेको थियो ।
खुला महिला सदस्य राधा नेपाल ४९२ र उमा राउत ३३७ मत प्राप्त गदैं विजयी बने । नेपाल संयुक्त लोकतान्त्रिक प्यानल र राउत नेपाल कम्यूनिष्ट पार्टी ९एमाले० को प्रगतिशील समूहतर्फकातर्फबाट उम्मेद्वार थिए । अन्य महिला सदस्य पदका उम्मेवार बिनु लिम्बुले २९२ र भगवती राईले १८४ मत प्राप्त गरे । राउतमात्र नेपाल कम्यूनिष्ट पार्टी ‐एमाले० को प्रगतिशील समूहतर्फबाट बिजयी बनिन् । संयुक्त लोकतान्त्रिक प्यानलका तर्फबाट विजयी भएका हुन् । पुरुषतर्फ खुला सदस्यमा युवराज पौडेल ३२९ र चन्द्रलाल ढुङ्गाना ३०५ मतका साथ विजयी भए । खुला पूरुषका अन्य उम्मेद्वार डम्बरबहादुर लिम्बेल मगरले १९९, रामकुमार दाहालले १२१, किशोरकुमार दुलालले १२१ र देउकुमार लिम्बुले २६० मत प्राप्त गरेका थिए ।
नेपाली काँग्रेस र राष्ट्रिय प्रजातन्त्र पार्टी र संघीय लिम्बुवान लोकतान्त्रिक मोर्चाले पद भागवण्डा गरी संयुक्त लोकतान्त्रिक प्यानलका तर्फबाट उम्मेद्वार अघि सारेका थिए । सचिव, सहसचिव तथा एकजना खुला महिला सदस्य राप्रपाको भागमा परेको थियो, एकजना महिला सदस्य लिम्बुवानको भागमा थियो । उनी पराजित भईन् । प्यानलका सवै उम्मेद्वार विजयी बन्दा लिम्बुवानको भागमा परेको पद गुमेका कारण प्यानलभित्रै यतिखेर खैलाबैला मच्चिएको छ ।
‘
कुल १३२७ मतदाता रहेको समितिमा १००९ मत खसेको निर्वाचन समिति संयोजक चन्द्रशेखर गुरागाईंले बताए । ९ पदका लागि २३ जना चुनावी मैदानमा थिए ।
प्रतिकृया दिनुहोस्