प्रथम १०१ च्यालेञ्ज नकलआउट भलिबलको फाइनलमा मेचीनगर–७ र ९ भिड्ने

मेचीनगर । १०१ युवा समूह मेचीनगर–२ को आयोजनामा जारी प्रथम १०१ च्यालेञ्ज नकआउट भलिबल प्रतियोगिताको फाइनलमा मेचीनगर– ७ र ९ प्रवेश गरेका छन् ।
राष्ट्रको लागि खेलकुद, स्वास्थ्यका लागि खेलकुद भन्ने नाराका साथ नव वर्ष २०८२ सालको उपलक्ष्यमा १०१ युवा समूहद्वारा आयोजित भलिबल प्रतियोगिताको सोमबार सम्पन्न सेमिफाइनल खेलबाट मेचीनगर–७ र ९ विजयी हुँदै फाइनलको यात्रा तय गरेको हो ।
बैशाख १ देखि ३ गतेसम्म सञ्चालन भइरहेको प्रतियोगितामा मेचीनगर २ लाई हराउँदै मेचीनगर ७ र मेचीनगर–१० लाई हराउँदै मेचीनगर ९ ले फाइनलमा स्थान पक्का गरेका हुन् ।