काकरभिट्टा । राष्ट्रिय स्वतन्त्र पार्टी(रास्वपा) को मेचीनगर समितिको सभापतिमा सन्तोस राजबंशी सर्वसम्मत चयनभएका छन् ।
काकरभिट्टा खानेपानीको सभाहलमा आयोजित सोमबार आयोजित रास्वपा मेचीनगरको प्रथम अधिवेशनले सभापतिमा राजबंशीलाई सर्वसम्मत चयन गरेको हो ।
अधिवेशनले उपाध्यक्षमा पुरूसोत्तम काफ्ले, सचिवमा शिशिर पोखरेल, कोषाध्यक्षमा काजिमान विश्वकर्मा र सहसचिवमा गोकुल अधिकारी सर्वसम्मत चयन गरेको छ ।
त्यस्तै नगरसमितिको महिला सदस्यहरूमा सधादेवी खड्का, शुशिला काफ्ले, मैया उप्रेती कट्टेल चयन भएका छन् । त्यसैगरी खुला सदस्यमा दिल बहादुर गजमेर, महेन्द्र चौधरी, गोपाल बुढाथोकी र हस्त बहादुर खड्का चयनभएका छन् ।
नगर सभापति कमल गौतमको अध्यक्षतामा सम्पन्न अधिवेशनमा प्रमुख अतिथि रास्वपाका केन्द्रीय कार्यवाहक सभापति डिपि अर्याल, केन्द्रिय सदस्य डा तोसिमा कार्की, केन्द्रिय सह प्रवक्ता रमेश प्रसाई, केन्द्रिय सदस्य ज्वाला संग्रौला, प्रदेश महामन्त्री लाल बिक्रम थापा, झापा जिल्लाका कार्यवाहक सभापति प्रकाश पाठक, जिल्ला सहसचिव भिम कुवँर लगायतले रास्वपाले बहुमतको सरकार बनाउदा मात्रै जनताको पक्षमा काम हुने बताएका थिए ।
कार्यक्रमको सञ्चालन प्रेमराज घिमिरेले गरेका थिए ।
प्रतिकृया दिनुहोस्