दुर्घटनामा बालकसहित दुईको घटनास्थलमै मृत्यु ,दुईजना सख्त घाइते

Scene of a car crash

बिर्तामोड ,३ मंसिर । बिर्तामोडमा आज ट्रकको ठक्करबाट बालकसहित दुई जनाको मृत्यु भएको छ भने दुईजना सख्त घाइते भएका छन् ।बिहान ११।२५ बजेतिर पूर्वतर्फ जादै गरेको मे २ प ४८४७ नं मोटरसाइकल र विपरित दिशाबाट आउँदै गरेको ३१०२०४२उब ७९८२ नं को अनटेष्ट मोटरसाइकल एकापसमा जुध्दा पश्चिमबाट पूर्वतर्फ जादै गरेको ना ६ ख ३३५० नं को ट्रकले किच्दा घटनास्थलमा बालकसहित दुई जनाको मृत्युभएको थियो ।
दुर्घटनामा परेर मे २ प ४८४७ नं को मोटरसाइकलका चालक बुद्धशान्ति ३ का २४ वर्षिय कुशल लिम्बु र पछाडि सवार सोही ठाउँका वर्ष ११ का दिप्सन कँडेलको घटनास्थलमै मृत्यु भएको हो । त्यस्तै सोही मोटरसाइकलको पछाडि सवार बुद्धशान्ति ३ की ३९ वर्षिया सावित्रा कँडेल र अनटेष्ट मोटरसाइकलका चालक अर्जुनधारा ११ का २२ वर्षिय गगन तामाङ सख्त घाइते भएका छन् । घाइतेहरुलाई बिर्तामोडको बिएण्डसी हस्पिटलमा भर्ना गरिएको छ । ट्रकले किचेपछि को१ च ९३१७ नं को स्कोरपियोले पेलेर भागेको थियो । दुर्घटनापछि ट्रक चालक ट्रक छोडेर फरार भएका छन् भने किचेर भाग्ने स्कोरपियोलाई बुधबारेबाट पक्राउ गरिएको जिल्ला प्रहरी कार्यालय झापाले जनाएको छ ।