मेचीनगरमा ब्राउन सुगरसहित ४ जना पक्राउ

मेचीनगर, ७ मंसिर । इलाका प्रहरी कार्यालय काँकरभिट्टाले मेचीनगर–७ स्थित सिदार्थ टोलबाट लागुऔषध ब्राउन सुगरसहित ४ जनालाई पक्राउ गरेको छ ।
आइतबार दिउसो ४ वजेर ५० मिनेट जाँदा सिदार्थ टोलका असान्ति राजबंशीको घरमा डेरा गरी बस्ने सिताराम आङदेम्बे र मनिता आङदेम्बेले धरान निवासी कल्याण राई र रिजन लकान्द्रीलाई लागुऔषध ब्राउन सुगर बेच्दै गर्दा प्रहरीले पक्राउ गरेको हो ।
आङदेम्बेको साथबाट १३ ग्राम र खरिद गर्ने राई र लकान्द्रीबाट १५ ग्राम ब्राउन सुगरसहित १ लाख ३३ हजार नगद समेत बरामद गरिएको प्रहरीको भनाइ छ ।
लागुऔषध कारोवारी र सेवन कर्ता दुवैलाई कानुन अनुसार कारवाही हुने इलाका प्रहरी कार्यालय काँकरभिट्टाले जनाएको छ ।