2021-05-20 मा प्रकाशित
झापा ६ जेठ । आगामी जेठ १४ गतेसम्मका लागि झापामा निषेधाज्ञा थपिएको छ ।
प्रमुख जिल्ला अधिकारी श्रवणकुमार तिम्सिनाको अध्यक्षतामा आज भद्रपुरमा बसेको कोभिड १९ संकट व्यवस्थापन केन्द्रको बैठकले निषेधाज्ञा थप्ने निर्णय गरेको हो ।
आदेशमा हाल जारी निषेधाज्ञालाई अवधि लम्ब्याउने र अति आवश्यक कामबाहेक सर्वसाधारणलाई घर बाहिर ननिस्कन भनिएको छ ।
जिल्लामा कोरोना भाइरसको संक्रमण अझ पनि तीब्र रुपमा फैलिइरहेको जनाउँदै त्यसलाई नियन्त्रणका लागि निषेधाज्ञा लगाउनु परेको निर्णयमा उल्लेख छ ।
प्रतिकृया दिनुहोस्